حلويات و أكلات صيامى

[Dream]

مكرونه بالصلصه و الزيتون والفلفل و المشروم

اولا : اسلقى المكرونه وبعدين صفيها واشطفيها
ثانيا: اضربى طماطم فى الخلاط وبعدين صفيها كويس
قطعى زيتون اسود قطع صغيره وفلفل قطع صغيره وبصل و مشروم
ثالثا :ضعى حوالى مقدار 4 معالق زيت فى حله
ثم شوحى البصل لحد ما تحسى انه دبل ثم ضعى الفلفل وبعدين الزيتون و المشروم فى الاخر يتشوحوا كلهم مع بعض ضعى ملح حسب الطلب وفلفل أسود علشان يديها طعم ونكهه لكن مش كتير
رابعا : ضعى الصلصله عليهم بعد التشويح وسيبيها تغلى كويس اوى لحد ما تحسى انها تقلت وبعدين تقدميها على المكرونه

بسبوسه صيامى

المقادير :

3 كوب دقيق سمادينا
1 ونص كوب سكر
2 معلقه صغيره بيكنج بورد
4معلقه كبيره زيت
1 ونص كوب عصير برتقال

الطريقه
نضع دقيق السمادينا على السكر على البيكنج بودر ونضيف الزيت ثم عصير برتقال ونضربهم جيدا
وندهن الصينه زيت وتكون الصينيه متوسطه ونضع الخليط ونحطها فى الفرن درجه حرارته متوسطه

الشراب:

2 كوب سكر
1كوب ماء
1 معلقه كبيره عصير ليمون

و بالهنا و الشفا
!nice!

[حور]

ربنا يخليكى يا دريم ايوة كده يا شيخة فينك من زمان وحشانا

بس سؤال محرج شوية

احم احم

هو ايه دقيق السمادينا ده ؟؟ هل " هو السميد "

معلش اعزرى اختك العربى بتاعى مكسر زى مانتى عارفة

بالنسبة للمكرونة حجربها النهاردة وحقولك الاخبارات ايه ولو (انا حر) اشتكى حشاورله عليكى ومنك له بئة

[Neferteeti]

يانهار ابيض يا حور؟ هتعملى بسبوسة بالسميط؟؟؟؟ !funny!

و ازاى متعرفيش السمادينا؟؟
دقيق السمادينا يا بنتى....معقول? !no!


دقيق السمادينا اللى ضفرة برقبة كل الدقيق و عيلته من الالف الى الياء...
دريم عملت بيه بسبوسه صيامى!!!

على يديييي!!! :fun_36_1_13[1]:
*


*


*

*
هاه يا دريم يا قمر انتى. ايه بقي السمادينا ده؟؟؟؟؟!angel!

[حور]

نوووووووووو يا نفرت سميد مش سميط

اوف ده انا طلعت اجدع منك بجى على اكديه

انا بعمل البسبوسة بدقيق اسمه سميد بيكون لونه بيج كده وخشن مش زى الدقيق ابيض وحليوة

واعتقد ان السمادينا هو الاسم العلمى الدقيق للسميد كما ورد فى موسوعة الشيف رمزى العالمية

!funny!

*** ملحوظة اياااااااااااااك تسألى مين الشيف رمزى ده اشهر من جورج بوش اوكى

[Dream]

وفقا لمطالب الجماهير

دقيق السمادينا هو السميد ( من الأخر كيس دقيق بسبوسه )

طالما فيه أقبال ياريت كل واحد عندة طريقة أكله صيامى يكتبها علطول

و أنا هكتب لكم أكل من كتاب عندى فى البيت للأكلات الصيامى و نجربها مع بعض

الموافق يرفع أيدة

بس وحياتكم لو فيه أكله مطلعتش حلوة عليكم بالكتاب بقى peace-man

[Neferteeti]

و اللهى منكم نستفيد يا جماعه.
you-rock

انا باعمل البسبوسه بالسيمولينا....السميد ده ماخابرش عنه شيي!no!


حور !hi!


حور !hello!


بينى و بينك كده

!Whisper! مين الشيف رمزى ده؟ رادل كوباره فى الكفر حداكم يعنى؟

[حور]

برده سألتى

طب والهههههىىىىىىىىىى " بكسر الهاء" منا رادة عليكى بس هيه

تشكرى يا دريم ياختى موضوع الاكل الصيامى ده ميه ميه وفكرة تجنن وحوافيكم باخر الاكلات انا كمان

ويجعله عامر

وكل صيام وانتم بالف خير

[Dream]

سلطة القرنبيط

المقادير

ثمرة قرنبيط صغيرة
2 حزمة بقدونس
6 فصوص توم
جزرة صفراء كبيرة
ثمرة فلفل رومى
قليل من الملح
1 ملعقه صغيرة كمون ناعم
1/4 معلقه صغيرة شطة
1 ليمونه
2 معلقة طحينه

الطريقة

تنظف القرنبيطه و تقشر العيدان و تسلق فى ماء مغلى بالملح و الكمون
يصفى القرنبيط من الماء جيدا ثم يهرس
يضاف أليه الملح و الكمون و الشطه و الثوم المدقوق و البقدونس المفرى ( او مقطع قطع صغيره )
اضافة عصير الليمون و بشر الجزرة و بشر الفلفل الرومى
يتم عمل الطحينه و أضافتها للخليط السابق و تقليب الخليط
يغرف فى طبق و يقدم باردا

ملحوظه
الطريقه دى جربتها لكن فى يوم كنا عاملين قرنبيط ( يعنى مسلقتش قرنبيطه مخصوص ) peace-man

[Neferteeti]

طيب تسمحيلي انا كمان اشارك بطريقتين تلاته؟ بس دول مش من كتاب....دول من كتاب ابله نفرتيتى !yes!

بصوا يا سيداتى الجميلات (و المنز ممكن يتعلموا برضه ما يضرش...نحن فى خدمة الجميع pharoh-dance )

اول طبق رز بالبهارات و اللوز انما ايه!!! و ممكن يتعمل مع اكل صيامى او فطارى
(آه على فكره لو اتزنقت هاقلب الشريط انجليزى و اتصرفوا انتوا بقي)


المجادير:
+ كبايه و نص رز بسماتى
+ 3 معلقه زيت vegetable or canola oil
+ حوالى 50 جرام لوز (مايكونش متحمص و يكون متقطع شرايح رقيقه. عيجولوا عليه إهنه slivered almonds)
+ بصلتين حجم متوسط halved then thinly sliced يعنى يكونوا متقطعين على شكل هلال صغنن و رقيق
+ فصين توم كبار مفرومين
+ حتة جنزبيل ginger طولها حوالى 5سم متقشره و مبشوره
+ معلقة و نص صغيره قرفه (teaspoon)
+ ربع معلقه cardamom (متهيألي ده حبهان مش كده؟)
+ 6 حبات قرنفل 6 whole cloves
+ ربع معلقه شطه لو تحبوا. انا شخصيا مش باحطه لو الاكل لينا احنا بش لأنى مش بحب الشطه.
+ 2 كبايه شوربة خضار (باعملها انا بمكعبات هنا اسمها فيجيتا. او ممكن تستعملوا ميه بس. لو فطارى يجنن بشوربة الفراخ)
+ نص كباية لبن جوزة الهند coconut milk
+ حوالى نص كبايه currants (زى الزبيب بس صغنون اوى و طعمه جميل)
+ كسبره خضرا chopped


الطريجه:

+ الرز يتغسل بميه بارده لغاية ما الميه تنزل منه clear
+ سخنى 2 معلقه زيت على نار متوسطه و حمرى اللوز لغاية لونه ما يتغير (حوالى 3-4 دقايق)
+ شيلي اللوز من الزيت بمعلقه slotted و سيبيه على ورق يمتص الزيت الزياده على جنب
+ حطى معلقة الزيت التالته فى الحله مع بقايا الزيت اللي حمرتي فيه اللوز و لما يسخنوا تانى حطى البصل و على التار سنه و سيبيه 10 دقايق مع التقليب لغاية ما يبقي سوفت و لونه golden
+ وطى النار خالص و حطى التوم و الجنزبيل و القرفه و الcardamom و القرنفل ( و الشطه لو هتستعمليها) و قلبي كل الشغلانه دى دقيقتين كده
هتلاقوا ريحه تخبل طالعه من الحله!!! بموت فيها!!!

+ دلوقت حطى الرز المغسول المتصفى ع الخلطه اللي فى الحله و قلبي على نار متوسطه لغاية ما الرز يختلط بالهيصه اللي فى الحله و يتغطى بيها تمام! حوالي كده 2-3 دقايق

+ حطى الشوربه او الميه و بعدين لبن جوزة الهند و شويه ملح و فلفل و قلبى

+ على النار لغاية ما يبتدى يغلى و بعدين وطى خاااالص....النار مش انتى.... و غطى الحله و سيبيه 10-15 دقيقه لغاية ما يشرب الميه
+ شيلي من ع النار و شيلي الغطاء و حطى الcurrants و غطى تانى لمدة 5 دقايق.
+ شيلي الغطا تانى و حطى الكسبره الخضرا و قلبي بشوكه عشان الرز ما يلزقش فبعضه.
+ لما تيجى تقدميه حطى اللوز ع الوش.

فى الصيام بيبقي رائع مع مسقعه!
و فى الفطار باعمل معاه ضانى cutlets متحيأه بلمون و زيت زتون و توم و كمون...و مشويه او متحمره فشوية زيت صغننين خالص.


كلوا و ادعوا لى. :fun_36_1_51[1]:

ولا تلاقيكوا هتدعوا عليا انشاء الله....أكله نصها من اليمين للشمال و النص م الشمال لليمين... و شيلي الغطا...حطى الغطا...على النار ...وطى النار!!!understand-me

بس يستاهل صدقونى! احلى رز!ok!

اه بس لو حد ينوبه في ثواب و يقوللى الحاجات اللي انا كتبتها بالانجليزى معناها ايه بالعربى يكون مشكور

ياللا يا ستى...اجدع من الاسطى رمزى ده اللي عامل لى شيف!:fun_36_6_2[1]:

[scorpion_man]

اكلب جميل جدا
شكرا لكم