نظام الكوتة هو الحل

[taten]

بصراحة لا اعرف لماذا نرفض نظام الكوتة او النسبة فى مجلس الشعب احنا لو اعتبرنا الاقباط خمسة فى المية من سكان مصر سيكون لهم نسبة خمسة فى المية من مقاعد مجلس الشعب اى عدد اثنين وعشرن مقعد مالهم دول نعمة واحنا طايلين وبصراحة اكتر المسلم مش حيروح يدى صوتة لواحد قبطى ويترك المسلم اللى زية مهما كان القبطى دة كويس والمسلم ابن ستين كذا ومن الآخر احنا مش قد دخول انتخابات ممكن تستعمل فيها كافة الاساليب الشريفة وغير الشريفة كما حدث فى الاسكندرية حينما اراد اتباع المرشح المسلم ضرب المرشح القبطى فلم يجدوا سوى التنقيب عن مسرحية عرضت لمدة ليلة واحدة فقط على مسرح كنيسة مارجرجس " كنت اعمى والآن ابصر" وطبعوها على سى ديز ووزعوها ببلاش على المسلمين بالحى وبالاسكندرية كلها مما سبب فتنة طائفية وحتى نظام القائمة لن يناسبنا لان مش معقول نروح نترشح على قوائم الاخوان مثلا فالحل فى رايى بالنسبة للاقباط وللمراة كمان هو نظام الكوتة واحب اعرف ارائكم فى الموضوع دة

[قلب الاسد]

nocom

[Muslim copt]

معك يا تاتن لكن كحل مؤقت فقط فى انتظار عودة الوعى و العقل للشعب المصري و عودة الروح(على رأى الحكيم) لمجلس الشعب و للانتخابات

تم رصد مداخلات متتالية خلال فترة قصيرة، تم الدمج وهذه الرسالة بمثابة الخط الفاصل.
“Angel of Death”, an Artificial Intelligent Robot to Guard the “Free Copts Site”

و يارب نشوف يوم المسلم فيه بينتخب القبطى رئيس لمصر لو كان اكفاء و اجدر

[taten]

لا واسعة قوى حكاية رئيس مصر يكون مسيحى دى لان معروف انة لا ولاية لكافر على مسلم - لامؤاخذة دة مش كلامى - انما ممكن نحلم ان رئيس الوزراء يكون مسيحى مثل بطرس باشا غالى لما وصل لمنصب رئيس وزراء صحيح انة كان اسوء اختيار ممكن ولذلك قتل على يد الوردانى المسلم لانة كان
رئيس المحكمة التى حكمت على الفلاحين بالاعدام فى دنشواى لكن على اى حال دة مش موضوعنا خلينا الاول نوصل لعدد معقول فى مجلس الشعب اثنين وعشرين عضو من اربعمائة واربعة واربعين يا سلام دة احنا كدة حنبقى اغلبية فى المجلس وممكن ندخل القاعة نقرا عليهم انجيل زى ما عمل العضو المسلم فى امريكا ودخل قرا عليهم قرآن يا سلام دة احنا حنعمل عمايل

[Muslim copt]

هههه يا اخى سيبنى احلم ده انت سديت نفسى عن الحلم يمكن انا باصص لقدام شوية يعنى لسة بدرى بس ربنا يسهل و حلك يبقى حل مؤقت

[أبو كاظم]

مجلس الشعب احنا لو اعتبرنا الاقباط خمسة فى المية من سكان مصر سيكون لهم نسبة خمسة فى المية من مقاعد مجلس الشعب اى عدد اثنين وعشرن مقعد مالهم دول نعمة واحنا طايلين وبصراحة اكتر المسلم مش حيروح يدى صوتة لواحد قبطى ويترك المسلم اللى زية مهما كان القبطى دة كويس والمسلم ابن ستين كذا ومن الآخر احنا مش قد دخول انتخابات

الاستاذ تاتان نحن لا نرفض انكم تكونو فى مواقع من مواقع الدولة ولكن ليس هذة الامور فى ايدينا نحن وانت تقول فى موضوعك انكم عاوزيين مقاعد اوك وفى نفس الوقت بتقول احنا مش قد دخول الانتخابات طيب يبقى انت بتسال وبترد على نفسك متهيالى انك فهمت تاتان ... وشكرا على المداخلة !ok!

[Muslim copt]

طب و هو كان سألك يا اخ ابو كاظم الراجل كان بيسأل الاخوة المسيحيين و انا تطفلت بمشاركة يبدو انك ظننت خطاء ان السؤال للمسلمين

[Kemtian]

I am absolutely against affirmative-action-like style of recruitment. This will hammer an everlasting wedge between Christian and Muslim Egyptians. It will be the most divisive political action in modern time and it WILL backfire.

Let's transcend all religious differences and reinstate Civil or Citizenship rights. All are equal before the law irrespective to religion, or lack thereof.

[taten]

لا خالص يهمنى راى المسلمين برضة لكن انا لما قلت احنا مش قد دخول الانتخابات فسرت دة بان فى الانتخابات وفى السياسة عمومآ كل الوسائل متاحة النظيفة والقذرة وقلت افضل لنا نظام الكوتة اى ان تكون لنا الاقباط حصة من مقاعد مجلس الشعب على اساس نسبتنا المئوية فى هذا البلد ويكون بالتعيين مش بالانتخاب لان بصراحة مفيش مسلمين كتير حيرضوا ينتخبوا مسيحيين عن طيب خاطر وبالمناسبة دى انا حاحكى لكم حكاية انا كنت رشحت نفسى لمنصب المندوب الثقافى للفصل فى انتخابات اتحاد طلاب الفصل وكانت المسائل ماشية كويس لحد لما المدرس اللة يخرب بيتة قال نخلى المندوب الثقافى يبقى ثقافى ودينى طب ازاى وانا مسيحى طبعآ المسلمين شطبوا اسمى وانتخبوا المرشح المسلم اللى قصادى رغم انة كان من اللى بينطوا السور ويزوغوا من المدرسة ولا لة فى الثقافة ولا نيلة لكن اة حنعمل اية اهة اسمة مسلم برضة لكن تانى يوم قالى المدرس انى حاكون المساعد بتاع المرشح المسلم لشئون المسيحيين وفرحت قوى ومالة وبعد كدة لا انا ولا هوا عملنا اى حاجة من اصلة واستغنوا عن خدماتنا لكن دى تجربة الانتخابات الوحيدة اللى خضتها فى حياتى

[jackal]

تاتان .... معلش فى الكلمـه فيه حاجه حضرتك ممكن ناسيها
حضرتك طبعأ تعرف شبرا وفيها اد ايه مسيحين
بالرغم من ده إن المرشحين المسيحين اللى بيترشحو ده إذا رشحو نفسهم مبينجحوش
تعرف ليه ؟!....... أقولك انا ليه وده جمال أسعد قالها قبل كده
إنهم مبيرحوش ينتخبو ........!!
ياريت تكون وضحت
المسأله ملهاش دخل وعلي فكره فيه حاجه تانيه
لو حضرتك او ناس كتير متعرفش .....
فى المطـريه فيه واحد إسمه (( نادى إسحق ))
الراجل ده رشح نفسه فى مجلس الشعب الدورة اللى فاتت ومسلمين كتير إنتخبوه ..
بس جيه فى الاعاده مع مرشح الاخوان ومرشح مستقل إنتقل للحزب الحاكم ومرشح الحزب الحاكم قبل مايوزعه الحزب الحاكم بس إنسحب نادى إسحق ..
أعتقد إنه عدم المجازفه وإنعدام الثقه هيا اللغه السائده